نكت على الفنــــــــا نين

مساء الفراخ عليكم جميعا

دايما النكت بتكون عن الصعايدة والمجانين واللي مش عارف ايه طب كمان الفراخ مالهاش حق في النكت طب ليه يعني ما يكون لها دور في المجتمع لذلك اسمعوا هذا النكت عن الفراخ حصريا على قسم مقهى فراخ المنتدى

1- فيه مره ديك مزكم ليش ؟؟؟؟
متزوج فرخة مجمده.

2- مره واحد عنده مزرعه فراخ وكانت فاشله جدا راح لمهندس زراعى قاله انا مش عارف ازرع الفراخ قاله ليه قاله زرعتها من رجليها مطرحتش زرعتها من جناحها مطرحتش زرعتها من دماغها مطرحتش المهندس قاله هات عينه من الارض.

3- واحدة اديت صاحبها بغبغان هدية.. ثاني يوم سألته عن البغبغان؟؟؟ قالها عادي طعمه زى طعم الفراخ.

4- تلاته عمالين بيحششوا فى مزرعه فراخ ، طب عليهم البوليس استخبوا فى تلات شوالات اجه الظابط شاط الشوال الاول برجله قام الحشاش الاول عمل نفسه بط وقعد يكاكى . الظابط سابه وراح عالشوال التانى و شاطه قام الحشاش اللى جوه قعد يدن و يقلد صوت الديك ، الظابط سابه وراح عالشوال التالت برضه شاطه برجله الحشاش التالت متكلمش .. شاطه تانى بس بالجامد برضه متكلمش قعد الظابط يخبط فيه طلعله الحشاش يقوله بطاطس بطاطس انت مبتفهمش.

5- واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى .... طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ..... طلع الدور الثالث وقابل موظف اخر وسأله عن الفراخ المدبوحة ومقطعه … فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع .....
طلع الدور الرابع وقابل موظف اخر وقال له عايز فراخ مدبوحة ومقطعه ومكيسة
فرد الموظف وقال له مافيش فراخ بس ايه رأيك فى النظام.

6- واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقال لها ايه ده؟؟ قالت له استر عليا ده انا دييييييييك !!!!

7- مرة واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم.. راح صاحب الكتكوت راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت متت ؟ قام الكتكوت وقال له : يخرب بيتك بوظت الكمين

8- واحد صاحب مزرعة فراخ محمل العربية فراخ و سايق وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح والبلد مش لاقية تاكل؟؟". و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة عشان تسمم الناس؟". الراجل مكمل ع الطريق وقفته لجنة، الظابط سأله "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي هي عايزاه"

9- راجل بخيل حاطط صدر فرخة في خزنة كل يوم يجيب عياله و يفتح الخزنة و يدي لكل واحد لقمة ينقنق فيها و هما باصين ع الفرخة. المهم ف يوم الراجل سافر و غاب كام يوم، لما رجع قال لعياله "كنتوا بتعملوا إيه و انا مسافر؟" قالوا له "كنا بنبص ع الفرخة من خرم المفتاح بالدور" قال لهم "يا ساتر! إنتو ما تاكلوش عيش حاف أبدا؟؟؟

10- سواق لوري محمل فراخ ومعاه بغبغان . شاف بنت حلوة بتشاورله يوصلها ، ركبت معاه وحاول يبوسها فرفضت فقالها أبوسك يا تنزلي فنزلت.. لما وصل السواق مشواره لقي فرخة واحدة هي اللي فاضلة والبغبغان بيقولها أبوسك يا تنزلي.

اتمنى ان تكون الفراخ عجبتكم عفوا قصدي النكت

نكت على الفنــــــــا نين 30283_3198447440c26e1d1e

نكت على الفنــــــــا نين 30283_3198447440c26e1d1e