الرجاله عايزين ايه

ما إن الستات نص المجتمع، وفيه ناس ما زالت شايفاهم كائنات معقدة ومش سهل أنهم يفهموها، كان لازم ما نهملش النص التاني برضه اللي فيه ستات شايفين إنهم معقدين وصعب فهمهم والتعامل معاهم، ولأني مش ضدهم، ولا جوايا أي اضطهاد ليهم، ولا أي مشاعر سلبية، علشان كده حاولت أتوصل لشوية حاجات الرجالة فعلًا عايزينها من الستات، وحاولت على قد ما أقدر أكون منصفة ليهم زي ما كنت منصفة للستات..

أي راجل في الدنيا بيكون محتاج إن الست تكون سنده ونصه التاني في الحياة.

تكون سكنه والحضن الدافي له.

عايزها ذكية، مثقفة، رقيقة، رومانسية... إلخ من الصفات اللي محدش يختلف عليها.

عايزها تشاركه كل حياته، وتقف جمبه في كل خطوة، وتشجعه وتدِّيه دايما الحافز لأنه يكون الأحسن.

الراجل عايز الواحدة تكون زوجته وحبيبته وأمه وأخته وصديقته وكل دول لازم يتعملوا بذكاء.

وزي ما بيقول الرسول عن المرأة حين سئل: أي النساء خير؟ قال: "التي تسره إذا نظر، وتطيعه إذا أمر، ولا تخالفه في نفسها وماله بما يكره"...

وقال صلى الله عليه وسلم: "ألا أخبرك بخير ما يكتنز المرء؟ المرأة الصالحة؛ إذا نظر إليها سرته، وإذا أمرها أطاعته، وإذا غاب عنها حفظته".

تعرفوا تبقوا كده؟ وتشوفوا إيه اللي المفروض تعملوه، وإيه اللي المفروض ما يتعملش؟

أكتر حاجات بيكرهها الرجالة في أي ست

البنت أو الست المسترجلة..

النوع ده بيضايق الرجالة بشكل غير طبيعي، ودايمًا الواحدة اللي بتبقى عايشة دور الولد وبتتكلم وتتصرف بطريقتهم بتسبب نوع من الاشمئزاز من الرجالة ناحيتها.

فخلي بالك إن تصرفاتك المبالغ فيها ودور الولد أو الراجل اللي ممكن تكوني متقمصاه ومتخيلة أنك كده كويسة، بيعمل نوع من أنواع الكره ليكي من جانب الرجالة..

الرغي عمَّال على بطال..

الكلام الكتير والمجادلة بهدف المجادلة بس، ومش بهدف الوصول لنتيجة من الكلام، دي حاجة بتخلق جو من الإزعاج وخنقة للراجل، وخاصة لما يبقى بيتكلم في موضوع مهم جدًّا وعايز يوصل لحل فيه، وأنتي عمَّالة تجادلي وبس بدون ما توضحي وجهه نظرك ولا تقولي رأيك، ولكنك مصممة تتكلمي وتظهري نفسك مش أكتر..

الطبع ده هو اللي بيخلي رجالة كتيرة تتبع أسلوب الصمت الرهيب مع أي واحدة، ويعمل اللي في دماغه وما يفكرش يتناقش ولا ياخد رأي أي واحدة في أي حاجة...الرجاله عايزين ايه

اتمنى ان الموضوع يعجبكو وانتظر الرد

ههههههههههههههههههههه

عندك حق والله

كل كلمة قولتيها سليمة مية المية وبتحصل فعلا

تقريبا هم عندهم شيزوفرينا حااااااااااااااااااااااادة

تقبلى مرووووووووووورى

الرجاله عايزينكوا تبعدوا عننا

طيب والله انتوا ظلمنا طيب والله تعرفى وعن تجربه يعنى انتوا لما الراجل بيهتم بيكوا ويخاف عليكوا لدرجه اكتر مبيخاف على نفسه بتزهقوا منه انتوا من الاخر عاوزين المنافق الكداب الى يديكوا على دماغكم
انا لو بايدى اعمل زى عمرو اديب ونلغيكوا خالص من المجتمع مش فاهم ايه هيحصل يعنى
فعلاا ناقصات عقل ربنا يهدى.....

ههههههههههه
فكرتيني بأغنية قديمة قوي لمغنية اسمها نادية مصطفى
بتقول فيها
عملنا كده ما عجبناشي ...و عملنا كده ما عاجبناشي
و الله عموماً اعتقد ان الراجل مش بيعوز غير الصفات اللي مش موجوده فعلا في البنوتة اللي بيحبها
لو هادية عاوزها تتروش
و لو عملية عاوزها رومنسيه
و لو قوية عاوزها ضعيفة
حاجة تقرف و الله
يللا بقى ربنا يهدي كل أبناء آدم