ضحك وفكها شويه

ولا النكت

واحد زهقان من مراته بيقرا عقد جوازه سالته مراته بتعمل ايه قلها بدور على تاريخ الانتهاء

ابره مسخسخة من الضحك سالوها بتضحكى ليه قالت اصل الخيط عمال يلعب فى ودانى

مرة واحد بيجرى ويصوت فى الشارع واحد قله فيه إيه قله حماتى عايزة ترمى نفسها من الشباك قله طب مده كويس قله مالشباك مش عايز يتفتح….

خمسة مساطيل بيصلوا واحد عطس قال: الحمد لله. ……قال الثاني: يرحمك الله. ….. قال الثالث: ما ينفعش تتكلمو! ….قال الرابع: كل صلاتكم غلط! …..قال الخامس: الحمد لله أنا ما تكلمتش .

مدرس انجليزي بيقول لطالب لو عايز تقول لواحد تعالا هنا بالانجليزي حتقولو إيه ؟ قالو حقوله : كام هير ، قالو طب لو عايز تقولو يرجع تاني حتقولو إيه ؟؟ قالو : الف من الناحية التانية واقولو : كام هير .

مره مدرس بيسأل الطالبه بتعملو ايه لما بتروحو…؟واحد قال انا بروح اتفرج على التليفزيون وانزل لاحمد بتاع الحشيش…والثانى قاله انا يروح العب كوره واروح لاحمد بتاع الحشيش… والثالث قاله انا بروح اصلى وافرأ قرأن واذاكر… فا المدرس فرح اوى وخده بالحضن وسأله انت اسمك ايه؟ قاله انا احمد بتاع الحشيش

# مرة واحد سافر لأمريكا ولما رجع اصحابه سألوه :ايه ايه الي لفت نظرك هناك,فقال:انا شوفت العجب في امريكا تخيلو العيل الي عندو تلات سنين بيتكلم انجليزي

مره جماعه مساطيل قاعدين فى خيمه ليها بابين بيحششوا وكانوا عايزين كبريت راحوا بعتوا واحد ( مسطول طبعا ) يجبلهم كبريت راح خارج من الباب ودخلهم من الباب التانى وسالهم: الاقى معاكم كبريت . قالولوا تعال اقعد احنا لسه باعتين واحد يجيب لما يجى ابقى خد منه