لحمه بالخضار

النهاردة وصفتي حلوة اوي ولذيذة جدا هي لحمة بالخضار بصوص بني رهيب وبسيط اوي

وهتعمليه بحاجات موجودة في مطبخك

نشوف مع بعض يا قمرات


المقادير



حوالي كيلو الاربع لحمة مقطعة مكعبات صغيرة متبلة بملح وفلفل بس

كوباية الاربع لبن وممكن تزودي كمان كريمة بس اللبن اخف

معلقتين كبار دقيق

بصلاية صغيرة مقطعة جوانح

فص ثوم مقطع

خضار مشكل

معلقتين كبار سكر للكراميل


الطريقة

هنجيب اللحمة المتبلة بالملح والفلفل ونشوحها في شوية زيت زيتون



ونقلب كويس اوي علي نار عالية عشان مش عايزاها تنزل مية لحد ما تبقي بالشكل دة



هنجيب الدقيق ونرشه علي اللحمة بالشكل دة

وانا ضفت دقيق عشان يدي سمك وكثافة للصوص



ونفضل نقلب لحد الدقيق ما يختفي ويبقي ماسك كله في اللحمة ولونه يغمق بسيط بالشكل دة



هنجيب اللبن ونضيفه علي اللحمة ونقلب كويس عشان الدقيق يدوب في اللبن ومايكلكعش



وبعدين هنجيب شوية مية نضيفها علي اللحمة




ونسيبها تغلي شوية علي ما نجهز الكراميل ودة اللي هيدي للصوص لون بني جميل وطعم مميز

هنجيب حوالي معلقتين او 3 معالق كبار سكر ونحطهم في طاسة وعلي النار



لحد ما السكر يسيح ويبقي كراميل



تابعوني يا قمرات المشاركة الجاية